Waarom gebruik papgooi en kompeterende hengelaars Rietvlei Gly Stroppe?
Met vandag se kompeterende hengel is dit uiters belangrik om die regte resep tot sukses te hê; nie net in die voorbereiding van die area waar jy hengel nie maar ook in wat jy gebruik om mee te hengel.
Hoe kleiner en hoe ligter jy hengel, hoe groter is jou resep tot sukses en daardie resep bewys homself deur en deur met die Riefvlei Gly Strop. Die boonste hoek-lyntjie loop vry op die hoof skaglyn wat dit baie meer effektief maak, veral vir Karp. As jy kyk na ‘n vaste strop kan die optel van die aas om verskeie redes ‘n probleem veroorsaak in vergelyking met die vrylopende Rievlei Gly Strop.
Enige vaste strop bied onmiddelik weerstand wanneer die vis die aas optel, veral wanneer die vis minder geneig is om met aggressie die aas op te tel. (Met die Rietflei Gly Strop het jy dadelik die gewigloosheid van die gly wat ‘n baie groot rol speel). Hoe stywer die lyn en hoe swaarder die vaste strop se gewig, hoe meer verhoog die stremming op die lyn wat ‘n resep is vir baie sukkel. Maak gerus die skag se hooflyn langer (soos die gewig waarmee jy hengel swaarder word); dit gee die vis die geleentheid om die aas te sluk nog voor hy bewus is van enige onraad wat plaas vind.
Wanneer jy met ‘n baie slap lyn hengel (waar die omstandighede dit toe laat) word die effektiewiteit van die onderste hoek verhoog, aangesien die onderte hoek nie gly nie; dit is feitlik aan die hooflyn vas. Die vis kan met die aas weg swem, voor hy besef dat daar iets nie reg is nie, en gewoonlik is dit dan alreeds te laat en die hoek is klaar gehak.
Nog ‘n voordeel van die Rievlei Gly Strop is wanneer vis op die boonste hoek gevang word, die mieliebom houer afgeskuif tot teen die onderste hoek se draai spil (swivel), wat dan veroorsaak dat om en by die helfde van die strop nie meer rondhang en so maklik aan iets vashak nie.
